Судьба

Фильмнің бас кейіпкері 19 жасар ауыл тұрғыны Азат Алматыдағы үлкен ағасы Мұраттың құрылыс бригадасына кірпіш қалаушы болып жұмысқа орналасады. Мұрат таудағы құрылыста кідіріп қалып қойған кезде Азат ағасы келгенше Алматыда 2-3 күн ақшасыз өмір сүру керек. Фильмде Азаттың өміріндегі оқиғалардың одан әрі дамуын айқындайтын әлдебір «тағдырдың тоғысуы» бар. Бірінші хикаяда ол «тағдыр тоғысында» оң жаққа кетіп, жерлесі Төлегенді кездестіреді. Екінші хикаяда Азат «тағдыр тоғысқан жерде» сол жаққа кетіп, полицияның қатыгездігіне тап болады. Үшінші хикаяда «тағдыр тоғысында» Азат тік кетіп, махаббатына жолығады.