Таптым-ау сені 2

Сәуле мен Жексеннің үйленгендері біраз жыл болды. Екеуі уақыт өткен сайын бала туралы ойлана бастайды. Сол аралықта Жексеннің әпкесі Айнагүл төркіндеп келеді. Төркінде жай жүрмей Айнагүл інісі мен келінінің арасында бала жоқтығын айтып, Сәулені түртпектеуді бастайды. Сәуле мен Жексен дәрігердің тексеруінен өтіп, денсаулықтарында ешқандай кінарат жоқ екендігін біледі. Уақыт өткізіп жүре берсе ештеңе өзгермейтінін ұғып, екеуі балалы болу үшін көптеген ырымдарды жасап, тәуіп жағалап әрекет етеді. Айнагүл болса күн өткен сайын Жексен мен Сәуленің арасына от салып, ақыры Сәуле мен Жексенді ұрыстырады. Сәуле Жексенге ренжіп үйден кетіп қалады. Жексеннің анасы ұлының бұл қылығын айыптайды.